وداعت الله عسى المولى يخليك
بودعك في حفظ ربي ومانه
صحيح احبك ولك وحشه ومغليك
لاكن ما توصل لحد الأهانه
وانا على شانها ماني مجازيك
بصد وفتح لباب البعد خانه
مبادئي ما توافق مع مباديك
لا تعاند القلب وتحرك جنانه
طريقك اللي معه جيتي بوديك
محدن يجي في مكان ال مكانه
روحي والايام من بعدي تربيك
من لا حكم عقله يحكمه زمانه
لو الوفا والغلا والحب يرضيك
ما كان لبستهن ثوب الخيانه
مستقبلك ويش يرجي بعد ماضيك
وحاظرك ماله من الواقع حصانه
للحب يا مترفه داخل محانيك
مافي يدين المنافق للأمانه
يطري على البحر لا حل طاريك
الى ختلط بـ دجى واطلق عنانه
وطوفها كلها الا يوم اوصيك
وتقول ابا خون وحسبها ميانه
ازرعك ورده ودم القلب يرويك
وتحطني شمع وانت الشمع دانه
قلبي على نبض شريانه مبديك
الين شاركتي القلب انبضانه
كنه بنبضاته لدمي يناديك
مع كل نبضه ينادي يا فلانه
اجمل وصوف المحبه من حنانه
لين انكشف وضعك وبانت خوافيك
وحكم عليك الحكم واصدر بيانه
وداعت الله عسى المولى يخليك
بودعك في حفظ ربي ومانه
تقييم لو سمحتم وحاط لكم تصويت فوق لو سمحتم ابي تصويت
